وطني

(شهادة مدوية وتحذير من الآتي) – طبيب يروي تفاصيل وفاة زميله بكورونا

التفاصيل



(شهادة مدوية وتحذير من الآتي) – طبيب يروي تفاصيل وفاة زميله بكورونا

نشر طبيب يدعى جاد الهنشيري على صفحته في الفيسبوك تفاصيل وفاة زميله ، اول طبيب يتوفر ب”كورونا” في تونس، وجاءت شهادته كالتالي :


“بخصوص وفاة زميلنا بهالمرض كوفيد 19 … من غير روايات و كلام زايد و ناقص، هذا كلام زميلتي طبيبة التدخل في الإسعاف الطبي الاستعجالي لي خرجتلو و عاينتو : اول حاجة ربي يرحمو و يصبر عائلته . ثاني حاجة اسهل برشا باش تعاود اللي سمعتوا اما انا شخصيا عشت مع المريض هذا (الزميل) لمدة ساعتين و نعرف حقيقة الحكاية باش منضلمو حد و نقولو par retard de prise en charge. 3 متاع الصباح.. عائلة المريض هذا اتصلت بال 190 خاطر ولدها تقلق و هو عندو syndrome grippal عندو جمعة و معملش تحليل .. نصحوهم باش يجيبولو طبيب للدار يعدي عليه و هذاكة اللي صار ..4 متاع الصباح اتصل الطبيب اللي باشر حالتو بال 190 و قلهم راهو يستحق intervention خاطرو تاعب. في أقل من نصف ساعة كنا بحذاه، حاولنا نمنعوه بالأدوات اللي عنا … في نفس الوقت médecin régulateur تلوجلو على بلاصة ف réa ، تتواصل مع رئيس قسم samu تونس و قومت و قعدت الوزارة على بلاصة للمريض …

بعد نصف ساعة (المريض ديجا sous oxygène و تحسن شوية ) ترجعلى تقلي ملقيناش بلاصة في الصبيطارات اللي عندهم circuit covid هز مريضك للاستعجالي ودافع عليه و كان لازم عارك عليه باش يقبلوه . هزيتو للاستعجالي اللي معندهمش circuit covid و لا أدوات حماية يقبلوه بالوقت بامر من رئيسة القسم . قبلتو من عندي طبيبة شابة أداة الحماية الوحيدة اللي عندها bavette .

نشالله المسؤولين يتحركو و يعملوا حاجة قبل ما يفوت الفوت و الطاقم الطبي و الشبه الطبي الكل يمرض وقتها حد ما يلقى شكون يداويه .

Leave a Comment