طبيب تونسي ينشر الطاقة الإيجابية “الحياة قصيرة استمتعو بأيامكم” (فيديو)
انتشرت هذه الأيام، مقاطع فيديو عفوية لطبيب النساء والتوليد أحمد السوقي وأثارت تفاعلا كبيرا في صفوف التونسيين.
حيث عرف هذا الطبيب بأغنية “نهارك زين” التي اعتاد غنائها في فيديوهاته، ونشره للطاقة الإيجابية.
وقد تدخل من خلال إذاعة ديوان أف أم، متحدثا عن قيمة المحافظة على التفاؤل و الموجات الإيجابية في ظل الضغط الذي نعيشه في حياتنا اليومية.
وبخصوص شهرته على تيكتوك قال :”ولدي عملي تيك توك عندي 20 يوم وديما نحط غناية نهارك زين في فايسبوكي مانعرش كيفاش خطفت ولات الناس الكل تبرتاجي وانا عجبتني الحكاية وعامل جو..
انا ديما هكا عامل جو ونحب الطاقة الإيجابية ونحب الناس و القعدات نبدا شايخ كي تكون الناس حذايا”.
وأضاف :”بابا و امي معايا وتعودت ملي صغير بابا كوارجي وكان يجيب الجوارات للدار امي تتفجع تقعد تطيب ل 15 عبد.. تربينا في الجو و الشيخات نشبه لبابا برشا في الجو..”.
وتابع موجها رسالة للتونسيين :”ديما الجو الضحك واللعب .. الحياة قصيرة لازمنا نتمتعو بالحياة وبلادنا المزيانة في نهار واحد نجم تشوف البحر الجبل والصحراء بلادنا جنة على الأرض ربي عطانا طبيعة لازمنا نستغلوها لازم السياسة متاعنا تكون اقوى”.
الفيديو :
