سمير الوافي يعلن عن استضافة أخطر سياسي في تونس
سمير الوافي يعلن عن استضافة أخطر سياسي في تونس
اعلن الاعلامي سمير الوافي عن استضافته للرجل الاكثر جدلا في السنتين الاخيرتين النائب سفيان طوبال .و قال فيه “…أكثر وأخطر مللي يظهر عليه واللي يظهّر فيه…”
وكتب الوافي على صفحته بالفيس بوك:
عندو عامين ما تكلمش…أكثر سياسي يحكيو على فسادو…على ثروتو…على قضاياه…على صفقاتو…حتى كي قعد عامين ما تكلمش قعدو يتكلمو عليه…وهو أكثر سياسي عندو دور فاعل في كواليس الحكم…وهو في قلب السلطة حاليا…يحكم ويتحكم من موقعو كأحد كبار الحزب الثاني في الحكم…ويعين ويعزل ويفكك ويركب ويكمبن ويجمع…ماكينة متاع سياسة في الكواليس…أكثر وأخطر مللي يظهر عليه واللي يظهّر فيه…علاش ماشي جاي على دبي في المدة الأخيرة !؟…علاش يقابل في سليم الرياحي غادي !؟…كيفاش كان باش يتوقف في الحبس مع شفيق الجراية في نفس الوقت !؟…علاش الرئيس قيس سعيد يسمي فيه وفي جماعتو ” جماعة طالبان ” !؟؟…شنوة أهم في حياتو الحصانة والا الأوكسيجين !؟…علاش عبير موسي تسميه تجمعي خائن وبيّوع !؟…مقابل شنوة أنقذ راشد الغنوشي برشة مرات من سحب الثقة !؟؟…علاش عياض اللومي إستقال بسببو هو من قلب تونس !؟…كل ذلك وأكثر في وحش الشاشة غدا مع…سفيان طوبال…بمشاركة حبيب البرنامج حسن بن عثمان…والناشط السياسي نبيل الرابحي…والشاعر الهادي القمري…
