كورونا في تونس : زكرياء بوقيرة يتحدث عن سيناريو مرعب
قال الدكتور زكرياء بوقيرة إن “بعض الأسابيع التالي كي ظهر مرض فلورونا ما حكيتلكمش عليه خاطر هي صحيح حالة نادرة ومثيرة للاهتمام العلمي اما ما تخوفش “.
وتابع “هي فقط مريض مصاب بالكورونا والgrippe فرد وقت
لا فما لا فيروس جديد لا شيء بركا شخص حامل لزوز فيروسات فرد وقت
ليوم الأمر مخالف تماما
ليوم تم اكتشاف فيروس دلتاكرون في قبرص
هذا الفيروس هو خليط بين فيروس دلتا وفيروس اوميكرون
الزوز فيروسات تقابلو في بدن شخص صار تلاقح ما بيناتهم وخرجلنا المولود الجديد هذا
ما مدى خطورة هذا الفيروس؟
قداش سرعة انتشارو؟
ما مدى هروبه من المناعة؟
مازال بكري بش نجاوبو على السؤال هذا ولكن هذا السيناريو مرعب
ليوم اسرع فيروس في الانتشار في التاريخ (الاوميكرون) التقى بواحد من اكثر الفيروسات الي قتلو البشر عبر التاريخ (دلتا)
اتمنى من كل قلبي ان لايورث هذا المولود خاصيات والديه ولكن كان بش نقعدو نتفرجو وما نعملو شيء هذا المتحور لن يكون الاخير واكيد بش يجي نهار وحش جديد يزيد يتعبنا اكثر من الي نحنا تاعبين
هذا هو ثمن سياسة التعايش
مناش مجبورين نكملو حياتنا هكا
نجمو نقضيو نهائيا والى الأبد على الكورونا
كل شيء بين يدين السلطة
كان تطبق سياسة الصفر كوفيد في شهرين يوفى الوباء” من خلال صفحته الرسمية.
