وطني

بالصور / مايا القصوري :”إلي عملو يوسف الشاهد فضيحة كبرى.. على النيابة التحرك فورا

بالصور / مايا القصوري :”إلي عملو يوسف الشاهد فضيحة كبرى.. على النيابة التحرك فورا

أكد النائب بمجلس نواب الشعب حافظ الزواري أن يوسف الشاهد كان يمنح تراخيص تحت الطاولة بمقابل لمهربين وبائعي “الروزاطة والسكر الأبيض” في فضاءات راقية كان يرتادها وأنه بصدد اعداد ملف يضم حقائق تدينه.وعلقت الاعلامية مايا القصوري على ذلك عبر تدوينة نشرتها على حسابها الخاص وهذا ما جاء فيها :

مناش بش نحكيو على الخبر في حد ذاتو الي لو كان جات الدولة دولة تتحرك فيه النيابة فورا.. لكن احنا مأيسين الحق.. و الحديث هذا و ما أكثر يعني متواتر لدى كل من يشتغل بالسياسة و الإعلام و حتى كل من يتابع.. هو أنو عندك رئيس حكومة كان يقوم بالشيء هذا فضيحة اما الفضيحة الأخرى هي انو نواب شعب كيف سي الزواري يعلموا الجرائم هذي و يتستروا عليها الي هي جريمة في حد ذاتها.. و سي الزواري منو برشا داخل حزب تحيا.. خاطر الحكاية ما خرجتلنا احنا وقتها الا ما القراب فيبالهم.. هاو الإشكال الي يفسر علاش السياسة بش تقعد في تونس حاجة قذرة.. الاشكال هو الي يدخل لحزب في تونس و يوصل شويا يولي يتعامل كينو دخل في مافيا و الا وفاق اجرامي.. يشوف الجرايم بل و يشارك فيها اما لازمو يتستر خاطر فما عقد لاشرف مصحح عليه… يتستر مش خاطر صاحب صاحبو.. لاااا.. بل جوست بش ما يخسرش الموقع… كيف يوفا الموقع الألسن تتحرر و يبداو يحكيو في الجرايم في حق البلاد الي حضروا عليهم.. كيف الناس الي ركبت حافظ و من بعد كيف مات بوه الي وصلهم نقزوا في فلوكة الشاهد و خرجوا يحكيوا على أفعال حافظ.. و الناس الي ما عندهاش حسابات و هاجمت حافظ كيف كان يحكم سبوهم هذوكم بيدهم الي ركبوه اما من بعد سبوه… و كيف نفس الشرفاء قالوا الي يعرفوه على الشاهد وقتلي ساقو في الركاب نفس الاوباش النطاطين المتسترين على الجرائم الي اليوم ولات تتحكى علنا خرجوا سبوهم.. وكانت عندهم قناة مسخرة لذلك استعملوا فيها كل المأجورين و السفلة بش يضربوا كل شخص قال الكلام الي هوما بيدهم اليوم ولاو يقولوا فيه… هذي بخلاف الي هي مسألة أخلاقية و سياسية خطيرة هي اشكالية قضائية.. خاطر لو كان جات النيابة تتحرك كل ما العظمة تقول طق كيف في الدول المحترمة راهو دابر الاوباش النطاطين المتسترين على الجرائم تقطع و راهي نظافت.. أما الله غالب قالك فترة انتقالية.. نحو 

زر الذهاب إلى الأعلى

أنت تستخدم إضافة Adblock

الرجاء إيقاف مانع الاعلانات