كان أول من تحدث عن فيديو المشيشي الخاص: خبر خطير يعلنه الصحفي محمد اليوسفي لوزير الداخلية
كتب الصحفي محمد اليوسفي:
فما صفحة تعيسة متاع مرتزقة جدد اسمها صدر بعل نيوز يتهم توفيق شرف الدين وزير الداخلية الحالي بانو هو اللي يوفر في الحماية ليهم.
الصفحة هاذي تدعي اني نخدم “صانع” عند الزميل المحترم المناضل والسجين السياسي في انتفاضة الحوض المنجمي الفاهم بوكدوس اللي هو بدورو تتهمو بانو عميل عند المخابرات التركية لنظام اردوغان وانو ياخو في فلوس من عندها باش يخدم اجندة ضد قيس سعيد في تونس …
أولا شرف ليا أنو يرتبط اسمي بالفاهم بوكدوس فهذا شرف لا ندعيه و”جريمة”لا ننكرها وفق قاموس المحامين . ثانيا القاصي والداني يعرف مواقفي أنا والفاهم من نظام أردوغان تجاه الانتهاكات اللي تطال حرية الصحافة وسجن الصحفيين وهذا موثق .
ثالثا المرتزقة متاع صدر بعل نيوز اللي يحمي فيهم توفيق شرف الدين مصيرهم مزبلة التاريخ والاخير بيننا وبينه القضاء الحر والمستقل وليس قضاء قيس سعيد المرتهن.
رسالة اخيرة لهذه العصابة بعيدا عن التشويه والكذب اذا عندكم شاك بربي صبوه. على الاقل كيفو تحبو تشوهو كونو محترفين و استعينو بخبراء في حبك الاكاذيب وحملات التشويه باش تعملو خرافة يصدقها العقل البشري حتى وان كان غبي.
هذا تحدي على الملأ ليكم وللي يخدمو فيكم .
