أحمد الأندلسي :”التمثيل موهبة.. جاي مالمسرح وإلا مالتيكتوك المهم تكون موهوب” (فيديو)
أثارت التدوينة الأخيرة للممثل التونسي أحمد الأندلسي على صفحته بموقع “فايسبوك”، والتي شدّد خلالها على أن التمثيل موهبة لا شهائد، ردود أفعال متباينة، وخاصة من قبل المسرحيين.
حيث اعتبر الممثل أحمد الأندلسي، أن التمثيل هواية وموهبة بالأساس، وليس شهادة تسلّم.
وجاء في تدوينته :”
يعني بالفلاقي هاذي عندي بطاقة احتراف ممثل وهاذي قاري ومتخرج ممثل وهذي ولد مسرح أولى باش يعيطولو غالطة في غالطة في ألف غالطة..
البروفيل والموهبة فقط لا بطاقة ولا ورقة ضوء وميهمنيش أصلا منين جاي مالمسرح مالتيك توك من زحل من حانوت عطار فما البروفيل إلي مطلوب ولازم معاه الموهبة والموهبة والموهبة أولى وأحق وقبل الناس الكل موش الناس الكل حاملين بطاقة احتراف ومتخرجين مالمعهد العالي للفن المسرحي يستحقو أصلا التواجد في مهنة الممثل حمص وزبيب احنا هذا نعرفوه حتى في بعضنا.. حاجة أخرى مهمة راهو الممثل المسرحي مهنة في شيرة وممثل تلفزة والسينما مهنة أخرى تختلف تقنيات الممثل كثيرا جدا فما برشا وبرشا مالمسرح قدوهم الزوز لا شك ولا إختلاف أصلا معلمية كبار في المهنة لكن ما فيها باس توضاح الرؤية خاطر ناس صفر موهبة قرا وربي يعينو وتخرج ويقلي أنا أولى حبيبي وصديقي الموهبة فقط لاغير الموهبة الموهبة”.
الفيديو :
