الورتاني يعلق على بكاء عبد الرزاق الشابي وهادي زعيم :”لحظة صادقة برشا.. وتونس الكل تحبك” (فيديو)
الورتاني يعلق على بكاء عبد الرزاق الشابي وهادي زعيم :”لحظة صادقة برشا.. وتونس الكل تحبك” (فيديو)
أكّد الإعلامي عبد الرزاق الشابي في برنامج ‘نجوم’ أنّه لا يحظى بأيّ امتياز في قناة ‘حنبعل’، مضيفا “على سبيل المثال لا أملك مكتبا في مقّر القناة أو راتبا شهريا.. حتى أنني أحصل على راتبي بالتقسيط”.
وتابع “من باب جديد ما خرجتش أنا مانيش نجم فقط نعيش كموظف عادي في تونس.. حسابي البنكي فارغ فيه صفر ملّيم”. وأضاف متأثرا
“من 2005 نخدم و عندي 30 سنة كاريار في الصحافة و عمري ما وقفت في أستوديو و ديكور مزيان.. نقطة ضعف قناة حنبعل الامكانيات و الأمور التقنية… كي نمشي لنوفل الورتاني ولا هادي زعيم نقول صحة ليهم عندهم الامكانيات بش يخدمو في استوديوهات مزيانة.. انا ساعات نحب نعمل روبورتاج ما نجمش خاطر نخدمو كان ب 3 كاميراوات و ما عندناش ماتريال. نتمنى نقدم برنامج و انا في استوديو ضخم و ديكور يعجب اما الله غالب.. و رغم هذا مانيش بش نسلم في قناة حنبعل ” . ممّا أثار تأثر الهادي زعيم إلى حد البكاء.
وتعليقا على ذلك، نشر الاعلامي نوفل الورتاني تدوينة قال فيها :”رزوقة وهادي يبكيو فرد وقت .. لحظة صادقة برشا متاع حوار عبد الرزاق ممكن ناقص امكانيات تمتعوا بيها ناس ما يجيوش في الربع متاعك.. أما كانت هذيكة فرصة باش تتألق وتكون الأول ويحبوك التوانسة الكل وتونس كاملة تبعك وتحبك.. انت قصة نجاح رغم أنف الجميع.. قصة حب مع المهنة عمرها سنوات تعبت فيهم برشا ما صورتش فلوس أما صنعت نجاح.. عجز عنه الكثير .. حتى ممن لديهم الامكانيات حبي وتقديري لعبد الرزاق ..”.
الفيديو :
