رؤوف ماهر لنور قمر :”مانيش متاع الحاجات هذه.. ونفكّرك كي بعثتلك ميساج في 2019 ما جاوبتنيش” (فيديو)
في تصريح لها على إذاعة جوهرة اف ام ذكرت الفنانة نور قمر ان ودادية أعوان وموظفي رئاسة الحكومة اتصلت بالفنان رؤوف ماهر واقترحت عليه الغناء في سهرة مشتركة معها على ركح مسرح قرطاج يوم 26 اوت مضيفة انه رفض الغناء معها.
تصريح أثار استغراب الفنان رؤوف ماهر حيث أكد ان ما ذكرته نور قمر عار من الصحة موضحا أن ودادية أعوان وموظفي رئاسة الحكومة اتصلت به فعلا لاحياء حفل على ركح مسرح قرطاج يوم 26 اوت وانه اعتذر نظرا لالتزامه السابق مع النادي الرياضي للحرس الوطني لاحياء حفل يوم 7 سبتمبر على نفس الركح بمناسبة الذكرى 68 لانبعاث الحرس الوطني وانه لا يستطيع احياء حفلين متقاربين على ركح مسرح قرطاج مؤكدا انه لم يتم ذكر اسم الفنانة نور قمر اثناء الاتصال به ولا علم له بالموضوع من اساسه او ادراج اسمها معه في نفس السهرة.
وأضاف رؤوف ماهر في مقطع
فيديو نشره على حسابه الخاص :”مع إني جاوبت وكتبت.. إذا كان انت عطوك معلومة غالطة، وحكيت الي أنا خوك و تحبني وتحترمني وأنا نتشرف بيك.. لكن مادام تحترمني كنت تنجم تكلمني وتبعثلي.. كيما بعثتلك أنا قبل في 2019 واقترحت عليك فكرة متاع ديو وما جاوبتنيش.. وموش مشكل ما لمتكش وعادي جدا”.
متابعا :”موضوع حفلة قرطاج ما عندي حتى فكرة انك باش تكون موجودة كلموني واعتذرت منهم وما ذكروليش اسمك.. جبدولي عليك في الجمّ قلتلهم تجيني على عيني وراسي مرحبا بيها تغني غنايتين.. قالولي لا وراهي جايبة عازفين أجانب.. وأنا عندي فرقتي ومانيش مستحق للأجانب يعزفولي وعنا من خيرة العازفين في تونس.. أختي راك غالطة والي عطاك المعلومة كذب عليك .. أنا مانيش متاع الشي هذا وما نعملش الحاجات هذه”.
الفيديو :
