منال عبد القوي باكية :”فايزة عشيرتي حرام عليكم تتهمو فيّا.. وحدة قتلي ان شاء الله تمرض كيفها وتموت” (فيديو)
نشرت الممثلة منال عبد القوي فيديو عبر حسابها الشخصي على فايسبوك وهي باكية لتوضيح بعض النقاط والرد على كل من انتقدها في وفاة صديقتها الفنانة فائزة المحرصي.
قالت منال أنها فضلت عدم الصمت هذه المرة “قالوا عليا حتى في وفاة بابا وأنا ماتكلمتش وماجوبتش وهذا إلي أثر على صحتي مبعد” .
وأضافت أنه بعد ظهور ألفة صديقة الفنانة الراحلة في برنامج بية الزردي على Ifm التي لم تذكر إسمها من بين الأشخاص الذين كانوا سندا لفائزة قبل وفاتها سهوا لا أكثر ، تلقت رسالة من صديقة المتها جدا “نلقى وحدة نعرفها صديقة بعثتلي مساج قاتلي فيه أنت لعباد إلي قالت عليهم صديقة فايزة ماوقفوش معاها وفي موتها هوما لولانين في التصاور ، والمرض إلي توفات بيه فايزة إن شاء الله تمرض بيه” .
وتحدثت منال أيضا عن العلاقة الكبيرة التي تجمعها بالراحلة التي لايشكك أحد فيها”أنا وفايزة في العيد نروحوا مع بعضنا لجربة ، وكي حد فينا مايروحش لاخر يقعد يعدي العيد معاه ..” .
وقالت أن غيابها عنها بسبب ارتباطاتها المهنية في وزارة الثقافة ومرض والدتها “أمي مريضة مانجمش نخليها وحدها ، وفايزة نعرف روحي متهنية عليها بحذاها فوفا ونجلاء وحنان … أما ماغبتش عليها لحظة بالتاليفونات لين معادش يهزو عليا” .
وأضافت “فايزة توفات بين يديا كيما بابا توفى بين يديا … تعبت من الموت إلي دايرين بيا قاعدين يموتوا ، وليت نخاف نزيد نفقد حد اخر وكي يمرض حد قريبلي نخاف لا يموت … راني تعبت” .
وقالت أنها ستكشف أكثر تفاصيل عن وصية فائزة المحرصي ودفنها في تونس وعلاقتها بيها يوم الخميس في برنامج أمين قارة ، خاتمة كلامها برسالة لمنتقديها بكلمة “حسبي الله ونعم الوكيل”.
الفيديو :
