“نوردو” يوضّح أسباب غيابه عن مهرجان الصخيرة :”مريض والطبيب رجّعني من شطر الثنية” (فيديو)
تغيّب مغني الراب مروان الجبالي المعروف بإسم “نوردو” عن حفله المبرمج ضمن مهرجان سيدي مهذّب بالصخيرة من ولاية صفاقس في دورته ال39، ليلة الجمعة وذلك لأسباب صحية قاهرة وفق ما كشفه في تدوينة نشرها على حسابه الخاص.
وجاءت تدوينة نوردو للتوضيح لجمهوره وردا على اتهامه “بالحقرة” وبأنه تعمّد عدم الحضور في المهرجان وألغى الحفل قبل ساعات قليلة من العرض مما خلف غضب الجمهور.
واعتذر نوردو من جمهوره مؤكدا أنه كان في حالة صحية حرجة :”
أولا نحب نعتذر من جمهور مهرجان سيدي مهذب بالصخيرة لاني تخلفت البارح على الغناء في المهرجان لاسباب صحية قاهرة نتفهم غضب الجمهور عندهم ألف حق خاطر ما يعرفوش التفاصيل. ما يعرفوش اللي أنا مريض برشة ورجعت من نص الثنية بأمر من الطبيب. ما يعرفش اللي أنا نهارين السخانة تقلي فيا وعينيا ما نجمش نحلهم وصوتي هرب. ما حبيتش نحكي التفاصيل ولا نهبط تصويرة باش نثبت اللي أنا مريض خاطر نعرف اللي الجمهور اللي يحبني يعرفني مليح. يعرف اللي أنا ما عنديش الكذب ولا الحقرة اللي حب البعض يركب على اللي صار ويخرجني زعمة حقار. مش في طبعي ولا تربيتي الشيء هذا. نعتذر مرة من ادارة مهرجان سيدي مهذب ومن جمهور الصخيرة الكل وراكم على راسي”.
مضيفا :”ونحب نقول لبعض “الزملاء” يزيوا من المزايدات والبطولات الوهمية.. اعملوا حس بخدمتكم ورا هو عيب كيف تحبوا تركبوا على اللي صار وتخرجوا روا حكم زعمة رغم المرض والتعب ما تلغيوا حتى حفلة والا تعرضوا حفل مجاني في الصخيرة. احترموا شوية رواحكم واحترموا الناس ونقصوا من المزايدات. حتى حد ما يزايد عليا في حتى شيء.
أنا كنت صادق اعتذرت لاني ما كنتش نجم ناقف ونغني. وانتوما ماكمش صادقين خاطر تتصيدوا في أي حاجة باش تعملوا فيها أبطال على ظهري وقت ما نجمتوش تكونوا أبطال بالخدمة”.
الفيديو :
