دون النائب ياسين العياري على صفحته بفايسبوك ما يلي :
حين لا تجد الدولة من يقرضها دوفيز حبيبي، لا يهم هل أنت غني أو فقير، تتكلم الفرنسية كي سعيد أو العربية كهشام، تحب الملوخية أو المقرونة، هل أنت تضحك مع عبير أو عليها!الدولة الي ما عندهاش شكون يسلفها و هي ما عندهاش فلوس، قد تطبع لك شهرية بالدينار، لكنما تنجمش تشري مثلا.. مثلا.. بترول!كي ما ثماش بترول، يعني ما ثماش كراهب، ما ثماش إقتصاد، ما ثماش حتى كهرباء! جملة!
مرحبا بك في عصور صاحب البريد!اي اي حتى كانك جون بيان و بفلوسك ما تنجمش تسهر لا! ما ثماش ضو! فريجيدار زادة ما ثماش!ما تنجمش زادة مثلا مثلا.. تشري قمح، مهم القمح! ياخي هل نسيت أنك تأكل من وراء البحار؟كي ما ثماش قمح معناها ما ثماش خبز! حتى الشباتي لا! كيف كيف المقلوب زادة لا!مقرونة؟
زادة ما ثماش!دواء؟ كيف كيف! عليك بالبيوماتيماتيك!فهمت علاش خبر كارثي كي تولي B3، B3 و أفق سلبي معناها التقييم الجاي بعد 3 شهر، تولي Caa1معناها حد ما يسلفك، و كان سخف عليك، يسلفك شوية بركة و ببرشة فلوس بعد ما يرهنك إنت و أولادك و زقفونتك و خطوطك الحمراء و المصحف الي يعملو عليه القسم!أوضح الصورة تو bb؟ فهمتني! فوالا! B3 يعني معادش شاباتي! بالضبط!أعذرني على تشاؤمي إذا و على تركيزي في المواضيع التافهة!نرجعوا للمهم، إنت مع ألفة و إلا مع الطبوبي؟
ريت عبير كيفاش مسحت بيه القاعة؟ شفت كيفاش الحاجي شكب على الغنوشي؟ باباب ملا كعبة عطاهالو!“وَمَا ظَلَمْنَاهُمْ وَلَٰكِن كَانُوا أَنفُسَهُمْ يَظْلِمُونَ”سلاما و آسف على الإزعاج.يحيا الشباتي! الشباتي خط أحمر!
