نشر أستاذ تونسي تزامنا مع اقتراب موعد العودة المدرسية، تدوينة على حسابه الخاص فايسبوك يوجه من خلالها رسالة لتلاميذه يدعوهم من خلالها إلى الالتزام بهندام لائق داخل القسم والمؤسسة التربوية.
وجاء في تدوينته :
“أنا كأستاذ تعليـم ثانوي نحضر في القسم في كامل اناقتي ونظافة هندامي ولباقته واحترامه .. و نقوم بواجبـي المهني على أحسن وجه و ربي هو العـالم.. و ماعنديش مزية على تلامذتي
.اتوجه بالنداء لتلامذتي والاولياء متاعهم …بمناسبة العودة المدرسية .. الماكياج لا
الظوافر و الشوافر و الشنافر المركبة لا .. السراول المڤطعـة لا
الشعورات الطويلة والمشعشطة لا
الشعر المهدور تڤول الجازية مخبلة في شعورها لا..”.
وتابع قائلا :”
أنا سيد قسمي و من واجبي وحقي نفرض الانضباط… وبربي نداء لمناصري حقوق الهندام و الحريات الشخصية ياريت تعاونونا بسكاتكم
خاطر كل عام نعانوا من هاو فلان ڨال هذي حرية شخصية وفلانة ڤالت البسوا كيف ماتحبوا المهم تقروا على رواحكم..
لا ياسيدي أنا مانيش ڤاعد في وطية و الا بدو حنة .. لباسك حرية شخصية مارسها خارج حدود المؤسسة ..
ويعيشكم يا أولياء ..اكبسوا على اولادكم و بناتكم راهو الدلال يخلف الهبال..
و السلام عليكم و رحمة الله تعالى و بركاته..”.
ولقيت هذه التدوينة المتعلقة بهندام التلاميذ، تأييدا “فايسبوكيا” واسعا، حيث طالب عدد من النشطاء بنشرها ودعوة التلاميذ للالتزام بهنظام لائق، وذلك للحفاظ على السير الحسن، وإرساء قواعد النظام الداخلي للمؤسسات التربوية التعليمية، واحترام ضوابطها الداخلية.
الفيديو :
